Հայաստանի կառավարությունը հունիսի 1-ին նիստ է գումարելու եւ քննարկելու է վեց մարզերում նոր մարզպետներ նշանակելու հարցը։

Արագածոտնի մարզպետ կնշանակվի դաշնակցական Աշոտ Սիմոնյանը, Արարատի մարզպետ՝ Նոր Կյանք գյուղի գյուղապետ Գարիկ Սարգսյանը, Կոտայքի մարզպետ՝ «Քաղաքացիական պայմանագիր» կուսակցության անդամ Ռոմանոս Պետրոսյանը, Տավուշի մարզպետ՝ Վահե Ղալումյանը, Շիրակի մարզպետ՝ Կարեն Սարուխանյանը, Գեղարքունիքի մարզպետ՝ դաշնակցական Իշխան Սաղաթելյանը։

Կառավարությունն այդ օրը նաեւ աշխատանքից կազատի գործող մարզպետներին։