«Հազարամյակի մարտահրավերներ» կորպորացիայի հետ կապված հարցերը եւ Հայաստանի համար այլ համաձայնագրի հնարավորությունը քննարկվել են ԱՄՆ պետքարտուղարի Եվրոպայի եւ Եվրասիայի հարցերով օգնականի տեղակալ Բրիջիթ Բրինքի Երեւան կատարած այցի ժամանակ: Այս մասին Հայաստանում ԱՄՆ դեսպան Ռիչարդ Միլսը նշեց Խաղաղության կորպուսի կամավորների երդման արարողությունից հետո լրագրողների հետ զրույցում:
«Մենք շատ ուրախ ենք, մենք Հայաստանի նոր կառավարության հետ լիովին համագործակցում ենք, եւ հնարավորություն ունենք խոսելու այն մասին, թե մեր կառավարությունն ինչպես կկարողանա օգնել»,- ասաց Միլսը:
Դեսպանի խոսքով՝ Բրինքը Հայաստանի իշխանությունների հետ քննարկել է, թե ԱՄՆ-ն ինչպես կկարողանա աջակցել նոր կառավարությանը: «Եվ մենք այս քննարկումները շարունակել ենք»,- հավելեց նա:
