«Սասնա ծռերին» օժանդակելու մեջ մեղադրվող Խաչատուր Գիչյանը դատարանի դահլիճից ազատ արձակվելուց հետո հայտարաեց, որ մյուս ամբաստանյալներին նույնպես ազատ կարձակեն: «Վարիանտ չկա, «Սասնա ծռերին» ազատ կարձակեն»,- ասաց նա։
Հարցին՝ Փաշինյանը նշել էր, որ արդար դատաքննությունը պետք է որոշի «Սասնա ծռերի» հարցը, Գիչյանը հավելեց դատարանը պետք է արդարացնի, այլ տարբերակ չկա։ Նա նաեւ նշեց, որ կալանավորված լինելու ընթացքում բուժօգնություն ստացել է դատապարտյալների հիվանդանոց:
Հիշեցնենք՝ այսօր դատական նիստին Գիչյանի շահերի պաշտպան Մարինե Ֆարմանյանը միջնորդություն էր ներկայացրել իր պաշտպանյալի խափանման միջոցը փոխելու վերաբերյալ։ Նա նաեւ ներկայացրել էր դատաբժշկական փորձաքննության եզրակացությունը, համաձայն որի՝ Գիչյանը ուներ մի շարք հիցանդութկուններ։ Մեղադրողը չէր առարկել միջնորդության դեմ։ Նախագահող դատավոր Արտուշ Գաբրիելյանը որոշել էր նրա խափանման միջոցը փոխել չհեռանալու մասին ստորագրությամբ։