Էներգետիկ ոլորտի 2 հիմնական ցանցերը չպետք է լինեն նույն սեփականատիրոջ սեփականության ներքո: Այս մասին այսօր՝ հունիսի 1-ին, կառավարության նիստի սկզբում հայտարարեց ՀՀ վարչապետ Նիկոլ Փաշինյանը՝ անդրադառնալով «Բարձրավոլտ էլեկտրական ցանցերը» պետական պահելու որոշման հետ:
«Մենք պետք է առաջիկայում շատ արագ առաջիկայում որոշում կայացնենք ԲԷՑ-երի կառավարման մեթոդի մասին: Այս փուլում պետք է վերջնական հայտարարություններ չանենք ընկերության կարգավիճակի մասին: Մենք կարող ենք որոշել, թե դա պետական կառավարմա՞ն է մնում, թե՞ հանձնվում է մասնավոր կառավարման», - ասաց վարչապետը:
Նրա խոսքով՝ պետք է բացառել, որ մասնվորեցման կամ կառավարման գործընթացում ներգրավված լինի իշխանության հետ առնչություն ունեցող որեւէ անհատ կամ ընկերություն» «Բացառենք, որ որեւէ օֆշորային ընկերություն կարող է ներգրավված լինել: Բաց, թափանցիկ մրցույթում պետք է այդ ամենն արվի: երկու պայման կա, օֆշոր չի լինելու եւ իշխանության հետ կապ ունեցող որեւէ մարդ չի լինելու դրա կառավարողը:
Իսկ թե ընկերությունը պետական է լինելու, թե մասնավոր, դա առանձին քննարկամն հարց է, որովհետեւ այնտեղ կա ներդրումների խնդիր, սիկ այսօր մեր պետությունը որոշակի վարկային սահմանափակումներ ունի պետական պարտքի սահմանային վիճակի հետ կապված»,-հայտարարեց Փաշինյանը:
Հիշեցնենք, որ այս տարվի ապրիլի 12-ին Կարեն Կարապետյանի կառավարության նիստում որոշում էր կայացվել ԲԷՑ-երը «Տաշիր Գրուպին» հավատարմագրային կառավարման հանձնելու մասին, սակայն պայմանագիրը չստորագրվեց, քանի որ որոշ կետեր դեռևս չէին հստակեցվել:
Ըստ լուրերի` պայմանագիրը չեղարկվել է, որովհետև ԲԷՑ-երի այլ հավակնորդներ են հայտնվել, մասնավորապես՝ նման մտադրություն ունի Գագիկ Ծառուկյանը, ու նաև դրանով էր պայմանավորված էներգետիկայի նախարարի պորտֆելը վերցնելը:
Նախօրեին Էներգետիկ ենթակառուցվածքների եւ բնական պաշարների նախարար Արթուր Գրիգորյանը հայտարարեց, որ Բարձրավոլտ էլեկտրացանցեր» ՓԲԸ-ն մնալու է որպես պետական հիմնարկություն, այդպես ավելի ձեռնտու եւ արդյունավետ է: