Ընտրության արդյունքներն ամրագրված են, ընտրության հետ կապված որոշումն եղել է։ Այս մասին այսօր՝ հունիսի 1-ին ԱԺ–ում լրագրողների հետ զրույցում նշել է ԿԸՀ նախագահ Տիգրան Մուկուչյանը՝ պատասխանելով հարցին, թե Արտակ Սարգսյանը (ՍԱՍ–ի Արտակ) պետք է դառնար պատգամավոր, թե՞ ոչ։
«Իրավունքի տարրական պահանջն է, եթե դրա վերաբերյալ կար այլ անձնաց խախտված իրավունքներ կամ կային անձիք, որոնք այլ կերպ էին մտածում քան հանձնաժողովները, ապա վերջիններս պատշաճ ընթացակարգով պետք է իրականացնեին իրենց իրավունքների պաշտպանությունը»,–շեշտեց նա։
Հիշեցնենք, որ անցած տարի կայացած խորհրդարանական ընտրություններից առաջ հրապարակվել էր «ՍԱՍ» գրուպում տեղի ունեցած նախընտրական ժողովներից մեկի ձայնագրությունը: Դրանում վարողը աշխատակիցներին պարտադրում էր ձայներ բերել ՀՀԿ տարածքային թեկնածու Արտակ Սարգսյանի օգտին՝ խոստանալով, որ շատ ձայներ բերողները կպարգեւատրվեն, իսկ չբերողները ընդհուպ կհեռացվեն աշխատանքից: