Չինաստանի կառավարությունը հավանություն է տալիս Հյուսիսային Կորեայի առաջնորդ Կիմ Չեն Ընի եւ ԱՄՆ նախագահ Դոնալդ Թրամփի մասնակցությամբ գագաթնաժողովի նախպապատրաստման Փհենյանի եւ Վաշինգթոնի քայլերին, որը նախատեսված է առաջիկայում Սինգապուրում: Այս մասին շաբաթ հայտարարել է Չինաստանի ԱԳՆ պաշտոնական ներկայացուցիչ Հուա Չունյինը, փոխանցում է ՏԱՍՍ-ը:
«Երկու կողմերը կարեւոր քայլեր են կատարել, որպեսզի Կորեական թերակղզու խնդիրը կարգավորվի քաղաքական երկխոսության ճանապարհով: Մենք անչափ ուրախ ենք, որ իրադարձություններն այսկերպ են զարգանում»,- նշված է Չինաստանի ԱԳՆ-ի Wechat սոցցանցի պաշտոնական էջում հրապարակված հայտարարության մեջ:
Հուա Չունյինի խոսքով՝ Պեկինն աջակցում է Հյուսիսային Կորեայի ու ԱՄՆ-ի տրամադրվածությանը եւ 2 պետությունների դիրքորոշումների նման մեձեցման արդյունքի հույս ունի, քանի որ ներկայումս եզակի բարենպաստ հնարավորություն է ստեղծվել, որը հմտորեն օգտագործելու դեպքում Կորեական թերակղզում կարող է սկսվել խաղաղության եւ բարգավաճման նոր դարաշրջան:
