Ֆիլիպինների նախագահ Ռոդրիգո Դուտերտեն ՄԱԿ-ի հատուկ զեկուցող Դիեգո Գարսիա Սայանին առաջարկել է «գրողի ծոցը» գնալ, հաղորդում է« ՌԻԱ Նովոստի»-ն: Դուտերտեն կտրուկ հայտարարություն է արել Ֆիլիպիններում դատական համակարգի փորձագետի կողմից քննադատության առնչությամբ:
Ավելի վաղ երկրի ղեկավարը գլխավոր դատավոր Մարիա Լուրդես Սերենոին «թշնամի» էր անվանել եւ հեռացրել պաշտոնից՝ նախագահի մի շարք առաջարկների օգտին քվեարկել հրաժարվելու պատճառով: Դատավորների եւ իրավաբանների անկախության հարցերով հատուկ զեկուցողն այդ քայլը սպառնալիք էր անվանել դատարանների անկախության համար: «Ասացեք նրան, որ չմիջամտի իմ երկրի գործերին: Թող գրողի ծոցը գնա», - պատասխանել էր Դուտերտեն: Նախագահը նաեւ հավելել էր, որ չի ճանաչում նրա՝ ՄԱԿ-ի զեկուցողի կարգավիճակը:
Ֆիլիպինների ղեկավարը հայտնի է իր կտրուկ ու սկանդալային հայտարարություններով: Այդպես, Դուտերտեն ավելի վաղ ԱՄՆ նախկին նախագահ Բարաք Օբամային «շան որդի» էր անվանել, իսկ ՄԱԿ-ի գլխավոր քարտուղար Պան Գի Մունին եւ ԱՄՆ ներկայիս նախագահ Դոնալդ Թրամփին՝ հիմարներ: