Քաբուլի Ճարտարագիտական համալսարանի մոտ, որտեղ երկուշաբթի օրը անցկացվում էր առաջատար աստվածաբան գիտնականների հավաքը, պայթյուն է տեղի ունեցել: Զոհերի մասին դեռ տեղեկություն չկա, հաղորդում է «ՌԻԱ Նովոստի»-ն՝ վկայակոչելով TOLOnews հեռուստաալիքը:
Ականատեսների փոխանցմամբ՝ պայթյունը տեղի է ունեցել այն ժամանակ, երբ աստվածաբանները սկսել են դուրս գալ շենքից, որտեղ տեղի էր ունենում հավաքը: Ժողովի ժամանակ աստվածաբանները երկրում հակամարտությունը քննադատող կրոնական հրահանգ են արձակել:
Երկրում գործող որեւէ կազմակերպություն դեռ պատասխանատվություն չի ստանձնել պայթյունի համար:
