News
Լրահոս
News
Շաբաթ
Օգոստոս 18
Տեսնել լրահոսը

«Ադրբեջանական ռեժիմն առեւանգում եւ սպանում է բոլոր նրանց, ովքեր իրեն դուր չեն գալիս». այսպես է վերնագրված ռուս-հրեական ծագմամբ բլոգեր Ալեքսանդր Լապշինի «Le Monde» օրաթերթում հրապարակված հոդվածը, որտեղ նա պատմում է Ադրբեջանի բանտում իր ամենօրյա տանջանքների եւ հալածանքների մասին, հաղորդում է «Արմենպրես»-ը: 

Բլոգերը 7 ամիս անցկացրել է Կովկասյան այս երկրի բանտում նախքան ներում ստանալն  ու Իսրայելին արտահանձնվելը։

«Այս տարածքի վերադարձը պահանջող Ադրբեջանը մոռանում է, որ այնտեղ ապրում է 150 000 հայ, որոնք օգտագործում են իրենց մայրենի լեզուն։ Ադրբեջանը քրեականացնում է նաեւ ավանդական աշխարհագրական անունների օգտագործումը: Նույն հաջողությամբ, Ֆրանսիան գերմանական բարբառներ օգտագործող բնակչությանը կարող էր արգելել օգտագործել Ռայխսլանդ Ալասաս-Լոթրինգիեն գերմանական անվանումը եւ պահանջել, որպեսզի գերմանացիներն օգտագործեն Ալզաս-Լոթարինգիա ֆրանսիական անվանումը։ Ես երբեք չեմ խոսել հակամարտությունից, ինչն ինձ բացարձակապես չի հետաքրքրում։ Նույնիսկ Բաքվի խամաճիկային դատարանն ի վերջո ընդունեց, որ ես երբեք Ադրբեջանի տարածքային ամբողջականության խախտման որեւէ կոչ չեմ արել»,-գրել է Լապշինը։

«2017թ․ սեպտեմբերի 10-ին՝ մորս ծննդյան օրը, իմ դեմ դաժան հարձակում եղավ այն բանտախցում, որտեղ փակված էի Բաքվում։ 4 դիմակավորված անձինք ներխուժեցին իմ բանտախուց եւ ծեծի ենթարկեցին, խեղդեցին եւ երբ արդեն անգիտակից վիճակում էի, պարանոցիս շուրջ պարան փաթաթեցին՝ լվացարանում կախելու նպատակով։ Այնուհետ ինձ տեղափոխեցին Բաքվի կենտրոնական հիվանդանոց, որտեղ իմ բժշկական գործերի մեջ հստակ արձանագրվեց, որ ես մոտ էի կլինիկական մահվան վիճակին։  Կողոսկրերս եւ ատամներս կոտրված էին,  ամբողջ մարմնիս վրա վերքեր ու կապտուկներ էին,  ենթալեզվային ոսկրի կոտրվածք, իսկ գլխուղեղում՝ արյան զեղումներ ունեի։ Ադրբեջանական իշխանությունները շտապեցին հայտարարել, որ ես ինքս եմ փորձել կախվել իմ բանտախցում, այդ իսկ պատճառով նախագահ Ալիեւը որոշել է ինձ «ներում շնորհել»։ Բաքվի հիվանդանոցում 3 օր կոմայում անցկացնելուց հետո ինձ արտահանձնեցին Իսրայելին»,-պատմում է բլոգերը։

Եզրակացությունների հիման վրա Մարդու իրավունքների եվրոպական դատարանում Ադրբեջանի դեմ հայց ներկայացրեց՝ սպանության փորձի մեղադրանքով։

Հոդվածի վերջում նա հիշեցնում է Ադրբեջանի վերաբերյալ մի քանի կարեւոր հանգամանք․ 1) Համաձայն «Լրագրողներ առանց սահմանների» կազմակերպության Ադրբեջանը  կարծիքի եւ խոսքի ազատության իրացման ցուցանիշով 180-երկրների մեջ զբաղեցնում է 163-րդ տեղը 2) այս երկիրը հայտնվել է բազմաթիվ ֆինանսական սկանդալներում՝ «Պանամայան փաստաթղթերից» մինչեւ «Լանդրոմատ», որոնք  բացահայտեցին իշխող կլանի խուսանավելու կարողությունները` ադրբեջանցիների հարստությունը յուրացնելու եւ եվրոպացի քաղաքական գործիչների համբերությունը գնելու հարցում։ 3) Բաքվի ռեժիմը չի խորշում արտադատական առեւանգումներ իրականացնել, ինչպիսին էր, օրինակ, Վրաստանում  լրագրող Աղվան Մուխթարլիի առեւանգումը, ով այնուհետեւ ենթարկվեց խոշտանգումների եւ բանտարկվեց Ադրբեջանում։ 4) Ի վերջո, առկա են հիմնավոր ենթադրություններ, որ այս վարչակարգը պատվիրել է մալթացի բլոգեր Դաֆնե Կարուանան Գալիզիայի սպանությունը, ով բացահայտել էր Մալթայի եւ դրա բանկերի մութ դերը Բաքվի կեղտոտ փողերի լվացման մեջ:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Փոքրիկ Հայաստանը՝ էկզոտիկ Ուրուգվայում. Լապշինի բլոգ (ֆոտո)
Ուրուգվայում հայերը, չնայած փոքրաթիվ լինելուն, զգալի ազդեցություն ունեն երկրի քաղաքական եւ հասարակական կյանքի վրա…
Հայտնի բլոգեր Լապշինը Վաշինգտոնում հանդիպել է Արմեն Սարգսյանի հետ (Ֆոտո)
«Վաշինգտոնում ծանոթացել եմ Հայաստանի նախագահ Արմեն Սարգսյանի հետ. զարմանալիորեն բաց, ուրախ մարդ, եւ առանց առաջին դեմքին հատուկ որեւէ «պոնտի»....
Ալեքսանդր Լապշինը ստիպում է ադրբեջանցիներին նյարդայնանալ
«Բարեկամներ, որքան ավելի է մոտենում Ադրբեջանում մարդու իրավունքների խախտումների վերաբերյալ ՄԱԿ-ում իմ ելույթի պահը, իսկ ես...
Լրագրողների միջազգային ֆեդերացիան իր աջակցությունն է հայտնել Ալեքսանդր Լապշինին
2016-ի վերջին բլոգեր ու ճանապարհորդ Ալեքսանդր Լապշինը ձերբակալվել էր...
Ալեքսանդր Լապշինը ԵԽ-ի, ԵԱՀԿ-ի, ԵՄ-ի ներկայացուցիչներին պատմել է ադրբեջանական բանտում ծաղր ու ծանակի մասին
«Ուղեւորության նպատակը եվրոպական տարբեր ատյաններում ելույթներն ու եվրոպական պատգամավորներին, խորհրդարանականներին...
Ալեքսանդր Լապշինն ԱՄՆ-ում հայց կներկայացնի Ադրբեջանի դեմ
Հետո այդ երկիրը կջնջեմ իմ աշխարհի քարտեզից եւ խոստանում են այլեւս չհիշատակել նրանց մասին...
Partner news