Հայաստանը աշխարհում ճանապարհների որակի վարկանիշում 137 երկրների թվում 85-րդ տեղում է: Վարկանիշային աղյուսակը հրապարակվել է Գլոբալ մրցունակություն 2017-2018 համաթվի շրջանակում Համաշխարհային տնտեսական համաժողովի կայքում:
Ճանապարհների որակը գնահատվել է մեկից մինչեւ 7 միավորով սանդղակով: Հայաստանն ունի 3,7 միավոր:
Հարեւան երկրներից Ադրբեջանը 36-րդ տեղում է, Վրաստանը՝ 82-րդ, Իրանը՝ 71-րդ:
Առաջին տեղում է Արաբական Միացյալ Էմիրությունը՝ 6,4 վարկանիշով, վերջին տեղում է Մավրիտանիան: Ռուսաստանը հայտնվել է ընդամենը 114-րդ տեղում: