Գերմանիայում ԱՄՆ դեսպան Ռիչարդ Գրենելը Ավստրիայի կանցլեր Սեբաստիան Կուրցին ռոք աստղ է անվանել։ Այս մասին նա հայտարարել է Breitbart–ի հետ հարցազրույցում։
Նշվում է, որ Գրենելը մեկնաբանել է Եվրոպայում պահպանողականների աճող ժողովրդականությունը։ Կուրցը պահպանողական «Ավստրիայի ժողովրդական կուսակցության» առաջնորդն է։
«Գիտեք, ես Սեբաստիան Կուրցին ռոք աստղ եմ համարում։ Ես նրա մեծ երկրպագուն եմ»,–հայտարարել է Գրենելը։
Նա հավելել է, որ շատ եվրոպական պահպանողականներ խոսում էին «վերածննդի» մեկնարկի մասին։ Գրենելի կարծիքով, պահպանողական շարժման աջակցության աճը կապված է ձախերի անհաջող քաղաքականության հետ, փոխանցում է Gazeta–ն։
