Յունիբանկը մասնակցեց Rest-Hotel Expo 2018 ցուցահանդեսին, որում ներկայացրեց ՓՄՁ վարկատեսակներ` հատուկ նախատեսված հյուրանոցային եւ ռեստորանային ոլորտում աշխատող փոքր եւ միջին ձեռնարկությունների համար: Հատուկ ուղղվածություն ունեցող վարկերը հիմնված են բիզնեսի սեզոնային բնույթի եւ յուրահատկությունների վրա` հնարավորություն ընձեռելով ՓՄՁ-ներին ֆինանսավորում ստանալ առավելագույնս շահավետ պայմաններով: Նման մոտեցման շնորհիվ, 2018թ.-ի առաջին եռամսյակի արդյունքներով ՓՄՁ-ներին տրամադրված վարկերի ընդհանուր քանակը 50%-ով գերազանցել է նախորդ տարվա նույն ցուցանիշը:
Եվրոպական ներդրումային բանկի հետ համագործակցության շրջանակներում զբոսաշրջության ոլորտում ընդգրկված ձեռնարկություններին Յունիբանկն առաջարկում է բիզնես վարկեր մինչեւ 90 ամիս մարման ժամկետով եւ 10.5% տարեկան տոկոսադրույքով ՀՀ դրամի դեպքում:
Ձեռնարկությունների գործունեության արդյունավետության եւ մրցունակության բարձրացման նպատակով KfW գերմանական բանկի հետ համագործակցությամբ Յունիբանկն առաջարկում է «Էներգաարդյունավետ» վարկը, որը նախատեսված է էներգածախսերի կրճատման եւ օպտիմիզացման համար: Վարկի ժամկետը կազմում է մինչեւ 5 տարի, գումարը` մինչեւ 500 մլն ՀՀ դրամ:
Փոքր բիզնեսին բանկն առաջարկում է վարկեր առանց գրավի` տրամադրման պարզեցված ընթացակարգով, առանց նոտարական եւ ապահովագրական ծախսերի: Շահավետ պայմանները, մարման ճկուն ժամանակացույցը եւ վաղաժամկետ մարման հնարավորությունը բարձրացնում են վարկային միջոցների հասանելիությունը մեծ թվով ձեռնարկատերերի համար: Անգրավ վարկերի ուսումնասիրման գործընթացը բանկում ավտոմատացված է եւ իրականացվում է «Պրոտոբեյզ Լաբարատորիզ» ընկերության CRM համակարգի միջոցով:
Հաշվի առնելով հյուրանոցային եւ ռեստորանային բիզնեսի առանձնահատկությունները, Յունիբանկում կարելի է նաեւ ձեւակերպել վերականգնվող վարկային գծով Visa Business քարտ` աշխարհի ցանկացած կետում օպերատիվ վճարումներ կատարելու համար:
«Զբոսաշրջության ոլորտի ձեռնարկություններին մենք առաջարկում ենք հատուկ վարկեր, որոնք մշակելիս հաշվի ենք առել իրենց գործունեության բոլոր յուրահատկությունները: Նման վարկային ծրագրերն աշխատում են բարձր արդյունավետությամբ եւ ապահովում են ձեռնարկությունների հետագա զարգացումն ու աճը: Rest-Hotel Expo 2018 գրավիչ հարթակ է նոր գործընկերների հետ համագործակցություն հաստատելու եւ բիզնեսին մեր վարկատեսակների առավելությունները ներկայացնելու համար, - նշեց Յունիբանկի Կորպորատիվ բիզնեսի զարգացման եւ վաճառքների տնօրեն Դավիթ Պետրոսյանը: