Հունաստանի արդարադատության, թափանցիկության եւ մարդու իրավունքների նախարար Սթավրոս Կոնտոնիսը Facebook սոցիալական ցանցին մեղադրել է գրաքննության համար: Մեղադրանքի համար պատճառ էր դարձել այն, որ Facebook-ն արգելափակել էր հույն լրագրող Նիկոս Բոյոպուլոսի էջը, որը 1941 թվականի նացիստական օկուպացիայի ժամանակ Կրետե կղզու Կանդանոս գյուղում տեղի ունեցած ջարդերի զոհերի հիշատակին նվիրված հոդված էր հրապարակել, փոխանցում է «ՏԱՍՍ»-ը:
Պարբերականի համաձայն՝ Կոնստոնիսը քննադատությամբ է հանդես եկել սոցիալական ցանցի հասցեի երկուշաբթի օրը Լյուքսեմբուրգում կայացած Եվրոպական միության երկրների արդարադատության եւ ներքին գործերի նախարարների խորհրդի նիստի ժամանակ: Հույն նախարարը շեշտել է, որ Facebook-ում գրաքննությունը՝ «որպես պատմական հիշողության խլացուցիչ, անթույլատրելի է»:
Tanea-ն նշում է, որ Կոնտինիսի ելույթից հետո Համայնքի անվտանգության դաշինքի եվրոպական հանձնակատար Ջուլիան Քինգը հայտարարել է, որ «սա շատ լուրջ միջադեպ է, որը անմիջապես կհետաքննվի»: Նախաձեռնությունը ստացել է նաեւ Եվրամիության մյուս անդամ պետությունների արդարադատության նախարարների աջակցությունը:
Շաբաթ օրը Facebook-ը հեռացրել էր հոդվածը եւ մի քանի ժամով արգելափակել էր լրագրող Նիկոս Բայոպուլոսի էջը, որը գրել էր Կրետե կղզու Կանդանոս գյուղում նացիստների կողմից 1941 թվականի հունիսի 2-ին կազմակերպված կոտորածի մասին, որի ընթացքում 180 բնակիչ էր գնդակահարվել, իսկ նրանց տներն ավերվել էին: