ԱՄՆ կառավարությունը Սաուդյան Արաբիային եւ ՕՊԵԿ-ի (անգլ.՝ The Organization of the Petroleum Exporting Countries) որոշ այլ անդամներին խնդրել է ավելացնել նավթի արդյունահանման ծավալները՝ մինչեւ օրական 1 միլիոն բարել: Այս մասին տեղեկացնում է Bloomberg-ը` վկայակոչելով մի քանի աղբյուրներ:
Նշվում է, որ ԱՄՆ-ի իշխանությունների խնդրանքը հետեւել է ԱՄՆ-ում բենզինի մանրածախ գների բարձրացմանը, որը աննախադեպ էր վերջին երեք տարիների ընթացքում, ինչպես նաեւ՝ ԱՄՆ նախագահ Դոնալդ Թրամփի հայտարարությանը նավթի գների արհեստական աճի վերաբերյալ: Դեռ պարզ չէ, թե կոնկրետ ինչպես է ԱՄՆ կառավարությունը փոխանցել իր պահանջը, փոխանցում է «Գազետա»-ն:
