Իսրայելի վարչապետ Բենիամին Նեթանյահուին չի հաջողվել համոզել Ֆրանսիայի նախագահ Էմանուել Մակրոնին Իրանի միջուկային համաձայնագրից դուրս գալու անհրաժեշտությունը:
Փարիզում համատեղ մամուլի ասուլիսի ժամանակ ակնհայտ է դարձել, որ Նեթանյահուն ու Մակրոնը հակասող կարծիքներ ունեն Իրանի հարցում։
Նեթանյահուն միջուկային զենք ունեցող Թեհրանին անվանել է աշխարհին սպառնացող ամենամեծ վտանգը․ «Միջուկային արխիվը, որ մենք վերջերս հայտնաբերեցինք, ապացուցում է, որ Իրանը խաբել է աշխարհին միջուկային զենքի ստեղծման ծրագրի հարցով։ Եվ ես կարծում եմ, որ եկել է առավելագույն ճնշում Իրանի վրա գործադրելու ժամանակը»,-ասել է նա, փոխանցում է AP-ն։
Իր հերթին Մակրոնը հայտարարել է, որ Փարիզն Իրանի միջուկային ծրագրի շրջանակներում աշխատանքը լավագույն միջոցն է համարում Իրանի միջուկային գործունեությունը վերահսկելու առումով։ Նա նաեւ չի տեսնում, թե Իրանի միջուկային համաձայնագրից դուրս գալն ինչպես է օգնելու բարելավել տարածաշրջանային կայունությունը։
Մակրոնը նաեւ անդրադարձել է պաղեստինյան տարածքներին՝ դատապարտելով բռնության ցանկացած ձեւ քաղաքացիական անձանց նկատմամբ, մասնավորապես, վերջին մի քանի շաբաթվա ընթացքում Գազայի հատվածում։