ԱԺ «Ելք» խմբակցության պատգամավորներ Հրաչ Հակոբյանը եւ Լենա Նազարյանը ներկայացրել են անձնական երաշխավորագիր ոստիկանության ՊՊԾ գնդի գրավման գործով ամբաստանյալ, «Սասնա ծռեր» խմբի անդամ Արեգ Կյուրեղյանի խափանման միջոց կալանքը փոխելու համար։
Այս մասին Հրաչյա Հակոբյանը գրել է Facebook-ի իր էջում եւ հրապարակել երաշխավորագրի լուսանկարը:
«Հուսով եմ շուտով Արեգ Կյուրեղյանին կտեսնենք ազատության մեջ»,- գրել է նա:
Ավելի վաղ NEWS.am-ը հայտնել էր, որ Ազգային ժողովի «Ելք» խմբակցության պատգամավորներ Լենա Նազարյանն ու Հրաչյա Հակոբյանը երաշխավորություն են ստորագրել Ժիրայր Սեֆիլյանի եւ մյուսների գործով ամբաստանյալ Ներսես Պողոսյանի նկատմամբ խափանման միջոցը փոխելու մասին։
Բացի այդ, նույն գործով անցնող Գեւորգ Սաֆարյանի խափանման միջոնորդությունը փոխելու հարցով միջնորդություն են ներկայացրել «Ելք» խմբակցության պատգամավորներ Ալեն Սիմոնյանն ու Հայկ Կոնջորյանը: