Եվրոպական հանձնաժողովը (ԵՀ) նոր մաքսատուրքեր կսահմանի ամերիկյան ապրանքների համար հուլիսի սկզբին: «ԱՄՆ-ի կողմից պողպատե եւ ալյումինե արտադրանքի համար ԱՄՆ-ի կողմից ներդրված մաքսատուրքերին ԵՄ արձագանքի շրջանակներում Եվրոպական հանձնակատարների խորհուրդն այսօր հավանություն է տվել Միացյալ Նահանգներից ներկրվող ապրանքների ամբողջ ցուցակի համար մաքսատուրքերի սահմանման մասին որոշմանը, որի մասին տեղյակ է պահվել Առեւտրի համաշխարհային կազմակերպության (ԱՀԿ): Եվրահանձնաժողովն ակնկալում է ավարտել անդամ պետությունների հետ համաձայնեցման համապատասխան ընթացակարգը, որպեսզի նոր մաքսատուրքերը սկսեն կիրառվել հուլիս ամսին», - նշվում է ԵՀ-ի հայտարարության մեջ:
Ավելի վաղ ԱՄՆ-ի առեւտրի նախարար Ուիլբուր Ռոսը հայտարարել էր, որ ԱՄՆ վարչակազմը հունիսի 1-ից մաքսատուրքեր է սահմանում Եվրամիությունից, Կանադայից եւ Մեքսիկայից ներմուծվող պողպատե եւ ալյումինե արտադրանքի համար: ԵՄ-ն իր հերթին հայտարարել էր հակադարձ առեւտրային միջոցների նախապատրաստման մասին, փոխանցում է «ՏԱՍՍ»-ը: