Ֆրանսիայի հարավում 30 տարվա վաղեմության բանկի կողոպուտի գործով դատավարություն է սկսվել փանկ երաժիշտ Ժիլ Բերթենի նկատմամբ: Մինչեւ վերջերս Ժիլը մահացած էր համարվում, թեեւ իրականում տասնամյակներ շարունակ թաքնվում էր ֆրանսիական իշխանություններից, հաղորդում է BBC-ն:
1980-ականների սկզբին երիտասարդ Ժիլ Բերթենը երգում էր Բորդոյի Camera Silens փանկ խմբում: Camera Silens-ը իրեն համարում էին սափրագլուխ անարխիստներ:1988-ի ապրիլին Ժիլն իր հանցակիցների հետ կողոպուտ կազմակերպեց: Թուլուզում անարխիստների խումբը հարձակվեց Brinks ընկերության ինկասացիոն մեքենայի վրա եւ 12 մլն ֆրանկ գողացավ:
Փողերը չհաջողվեց գտնել, բայց գրեթե բոլոր կողոպտիչները, բացառությամբ Բերթենի, ձերբակալվեցին եւ պատասխանատվության ենթարկվեցին:
2016-ի նոյեմբերին Բերթենը հանձնվեց Թուլուզ քաղաքի իշխանություններին: