Samsung-ի հաջորդ ֆլագմանային պլանշետաֆոն մոդել Galaxy Note 9-ը գործնականում ամբողջությամբ կփոխառի իր նախորդի՝ Note 8-ի դիզայնը: Այս մասին հայտնում է Ice Universe-ը, որը «Թվիթերում» հրապարակել է առաջիկա նորույթի ապշտապանիչ ապակու պատկերը, փոխանցում է Vesti-ն:
Ենթադրվում է, որ ֆաբլեթի կերպարը գրեթե անփոփոխ թողնելու կորեացիների մտադրությունը պայմանավորված է արտադրական ծախսերի կրճատման ցանկությամբ: Samsung-ը գարնանը նույնկերպ էր վարվել Galaxy S9-ի դեպքում՝ որոշելով, որ անցյալ տարվա ֆլագմաններին նորերի արտաքին նմանությունը նրանց ոչ մի վնաս չի հասցնի: Ճիշտ այդպես՝ հեռվից Note 9-ը ոչ մի բանով չի տարբերվի 2017 թվականի մոդելից. տարբերությունը միայն թեթեւակի մեծացված ճակատային խցիկն է:
Վերջին տեղեկություններով՝ Note 9-ը կներկայացվի օգոստոսի 9-ին: Ինչպես ավելի վաղ հայտնել էր նույն Ice Universe-ը, «իննյակի» մոդելներից մեկը կունենա օպերատիվ եւ մշտական հիշողության ռեկորդային ծավալներ՝ 8 եւ 512 ԳԲ:
Բացի այդ, սպասվում է, որ ինչպես գարնանը թողարկված Galaxy S9-ի դեպքում, հետին պանելի վրա տեղադրված մատնահետքերի հաղորդիչները ավելի հարմար կլինեն՝ դրանք կտեղադրվեն պատյանի կենտրոնում խցիկի տակ: