ՀՀ արտաքին քաղաքականության մեջ ռեվերսներ չպետք է լինեն: Այս մասին, այսօր՝ հունիսի 7-ին, ԱԺ հատուկ նիստում ներկայացնելով կառավարության ծրագիրը, նշեց ՀՀ վարչապետ Նիկոլ Փաշինյանը:
Ն աընդգծեց, որ Հայաստանը շարունակելու է մնալ ԵՏՄ եւ ՀԱՊԿ անդամ. «Մեր խնդիրն է լինելու առավել մեծացնել մեր անդամության արդյունավետությունը: Մայիսի 13-ին ԵՏՄ գագաթաժողովում համոզվեցի, որ այդ խնդիրը հետապնդում են այդ կառույցի նաեւ մյուս երկրները:
Մեզ համար կարեւոր է ՌԴ-ի հետ ամենատարբեր բնագավառներում ռազմավարական հարաբերությունները զարգացնելը: Հայաստան-ՌԴ հարաբերությունները պետք է հիմնված լինեն իրավահավասարության պատրաստակամության վրա: Կառավարությունը ՌԴ-ի հետ ռազմական համագործակցությունը դիտարկում է որպես երկրի անվտանգության կարեւոր բաղկացուցիչ»,-ասաց Փաշինյանը: Նա նաեւ ընդգծեց, որ լրջորեն աշխատելու են զարկ տալ ԱՄՆ-ի հետ հարաբերությունների գործակցությանը. «ԵՄ-ի հետ համագործակցելու ենք Հայաստան-ԵՄ համաձայնագրի կիրարկման եւ ԵՄ մուտքի ազատականացման ուղղությամբ: Իրանի եւ Վրաստանի հետ եւս ապետք է այնպիսի հարաբերություններ զարգացնել, որը հատուկ է իրար հետ սերտ համագործակցող հարեւաններին եւ որոնք զերծ կլինեն քաղաքական կողմնակի ազդեցություններից:
Մեր քաղաքականությունը չի եղել եւ չի լինելու ամերիկամետ, եվրոպամետ, ռուսամետ, հակաամերիկյան, հակաեվրոպական, կահառուսական: Մեր առանցքային նպատակը մեր երկրի ինքնիշխանության եւ անվտանգության ապահովումն է, մեր երկրի շահերի սպասարկումը: Մետամետ քաղաքականության մշակույթը պետք է արմատախիլ արվի Հայաստանից»,-ասաց նա: