Կնեսեթն, այնուամենայնիվ, քննարկումներ կանցկացնի Հայոց ցեղասպանության ճանաչման հարցով։ Այս մասին հայտնում է Arutz Sheva կայքը՝ վկայակոչելով Իսրայելի պետական հեռուստաընկերությանը։
Նշվում է, որ Կնեսեթի խոսնակ Յուլի Էդելշտեյնը պատրաստվում է խորհրդարանի անդամ, «Մերեց» կուսակցության ներկայացուցիչ Թամար Զանդբերգի կողմից հաջորդ շաբաթ ներկայացվելիք բանաձեւի շուրջ քվեարկություն անցկացնել։
Իսրայելական կայքում շեշտվում է, որ բանաձեւի ընդունումը հակասում է Իսրայելի ԱԳՆ դիրքորոշմանը։
Հիշեցնենք, որ Իսրայելի վարչապետ եւ արտաքին գործերի նախարար Բենիամին Նեթանյահուն ընդունել էր երկրի արտաքին գործերի նախարարության հանձնարարականը Հայոց ցեղասպանության ճանաչման օրինագծի շուրջ Կնեսեթում քննարկումները մինչեւ Թուրքիայում հունիսի 24-ին նշանակված արտահերթ խորհրդարանական ընտրությունների ավարտը հետաձգելու մասին։