Եվրոպական միության Խորհրդի նախագահ Դոնալդ Տուսկը հայտարարել է, որ ԱՄՆ նախագահ Դոնալդ Թրամփի գործողությունները կարող են «պատահական փոփոխություններ» լինել կամ՝ «արեւմտյան քաղաքական համայնքի փլուզման» առաջին ազդանշաններ: Այս մասին նա գրել է The New York Times-ում հրապարակված իր հոդվածում:
Ինչպես նշվում է, առաջիկա G7 գագաթնաժողովին կքննարկի ամերիկյան կողմի՝ Կլիմայի վերաբերյալ Փարիզի համաձայնագրից, Իրանի միջուկային գործարքից դուրս գալը, ինչպես նաեւ ալյումինի եւ պողպատի համար մաքսատուրքերի սահմանումը:
«Այսօրվա գլխավոր հարցն այն է՝ արդյո՞ք այդ որոշումները… միայն սեզոնային ցնցումներ են, թե՝ ավելի շուտ արեւմտյան քաղաքական համայնքի փլուզման առաջին ախտանիշեր, որոնք G7-ը ներկայացնում եւ ոչ պաշտոնական կերպով գլխավորում է»,- ասել է Տուսկը:
Նա հավելել է, որ եվրոպական երկրները պետք է երախտապարտ լինեն Թրամփին, քանի որ այժմ Եվրոպան պետք է ամեն ինչ անի՝ տրանսատլանտյան կապերը պաշտպանելու համար, փոխանցում է «Գազետա»-ն: