Գերմանիայի կանցլեր Անգելա Մերկելը կոչ է արել հասնել ԵՄ-ին ՄԱԿ-ի Անվտանգության խորհրդի մշտական անդամի կարգավիճակի շնորհմանը՝ դրանով իսկ փոխարինելով առանձին պետությունների՝ Ֆրանսիայի եւ Մեծ Բրիտանիայի, անդամակցությունը, փոխանցում է DW-ն:
«Ժամանակներում, որ մենք ապրում ենք, տեղերի եվրոպականացումը (ՄԱԿ-ի Անվտանգության խորհրդում) անգնահատելի կլիներ»,- ասեկ է նա: Այս մասին գերմանական կառավարության ղեկավարն ասել է Մյունխենում Եվրոպական ժողովրդական կուսակցության (ԵԺԿ) խմբակցության հանդիպման ժամանակ իր ելույթի ժամանակ:
Ըստ նրա, այն ֆոնին, որ ԱՄՆ նախագահ Դոնալդ Թրամփը քանդում է Երկրորդ համաշխարհային պատերազմից հետո ձեւավորված աշխարհակարգը, Եվրամիությունը պետք է ավելի միասնական դառնա եւ չդադարեցնի իր զարգացումը:
ԱՄՆ-ի հետ ՆԱՏՕ-ի հետ տարաձայնությունները, Թրամփի՝ Կլիմայի փարիզյան պայմանագրից եւ Իրանի հետ գործարքից դուրս գալը, ինչպես նաեւ հակամարտությունը տրանսատլանտյան առեւտրային համագործակցության շուրջ, վկայում են աշխարհակարգի վերակազմավորման մասին: Նման իրավիճակում ԵՄ-ն պետք է իր համար նոր եւ ավելի վճռորոշ դեր գտնի, վստահ է Կանցլերը:
«Եթե Եվրոպան ցանկանում է գլոբալ խաղացող դառնալ, այն նաեւ պետք է գործի որպես գլոբալ խաղացող»,- ասել է Մերկելը՝ հավելելով, որ նման դիրքորոշումը մեծ ջանքեր, քաջություն, վճռականություն, ինչպես նաեւ ֆինանսական ներդրումներ է պահանջում:
