Իսրայելի վարչապետ Բենիամին Նեթանյահուն գտնում է, որ իրանական միջուկային համաձայնագիրը փաստացիորեն դադարել է գոյություն ունենալ՝ չնայած Բրիտանիայի եւ այլ եվրոպական դաշնակիցների շարունակական աջակցությանը, փոխանցում է PA-ն:
Նրա խոսքերով՝ ԱՄՆ-ի պատժամիջոցների սպառնալիքը Իրանի հետ աշխատող ընկերությունների համար որոշիչ էր: Լոնդոնում կայացած քաղաքականության փոխանակման վերլուծական կենտրոնում իր ելույթի ժամանակ նա նշել է, որ ամերիկյան տնտեսության ազդեցությունը կարեւոր նշանակություն է ունեցել:
Գերմանիայի, Ֆրանսիայի եւ Միացյալ Թագավորության ղեկավարների հետ հանդիպումներից հետո Նեթանյահուն նշել է, որ գործնականում եվրոպացիներն ընդունել են «տնտեսական իրողությունները»՝ չնայած նրան, որ բոլոր երեք եվրոպական առաջնորդներն էլ հայտարարել են իրենց հավատարմության մասին Իրանի միջուկային համաձայնագրին: «Ընկերությունները հեռանում են Իրանից», - ասել է նա: