Թուրքիայի նախագահ Ռեջեփ Թայիփ Էրդողանը հայտարարել է, թե նախատեսում են ցամաքային գործողություններ սկսել Հյուսիսային Իրաքում «Քուրդիստանի բանվորական կուսակցության» (PKK) ճամբարների դեմ։
Թուրքական Hurriyet–ի փոխանցմամբ՝ Թուրքիայի նախագահը նշել է, թե իրենց թիրախում են լինելու Հյուսիսային Իրաքի Քանդիլի, Սինջարի եւ Մահմուրի շրջանները։
Մենք կրկին խոսելու ենք Իրաքի իշխանությունների հետ, որ եթե չկարողանան այդ տարածքներում վերացնեն PKK–ի ճամբարները, մենք ցամաքային գործողություններ ենք իրականացնելու։
«Եթե նախկինում նշում էինք միայն Քանդիլն ու Սինջարը, ապա հիմա նշում եմ նաեւ Մահմուր ճամբարը, որտեղ տարիներ առաջ Թուրքիայից հեռացել ու հաստատվել են բազմաթիվ քրդեր։ Սակայն այդ ճամբարը PKK–ի ազդեցության տակ է եւ ես բազմիցս այդ հարցը բարձրացրել եմ ՄԱԿ–ում»,–ասել է Էրդողանը։
