Ծիծաղաշարժ դեպք է տեղի ունեցել Շպիցբերգեն արխիպելագում։ Քաղցած սպիտակ արջը հասել է հյուրանոցներից մեկի պահեստ, որտեղ կերել է շոկոլադը եւ ջարդել գինու շշերը։
Սակայն, լքել շենքը նրան չի հաջողվել, քանի որ դուռը, որով նա մտել է պահեստ, կողպվել է։ Երբ գիշատիչը սկսել է կոտրել պատուհանները, որ դուրս գա, չի կարողացել դուրս գալ, հաղորդում է «ՌԻԱ Նովոստի»–ն։
Հյուրանոցի աշխատակից Մալին Սթարկը վհատվել է, երբ պահեստում տեսել է պատուհանի մեջ խցկված սպիտակ արջին։
Կինը փրկարարներ է կանչել։ Ուղղաթիռի աղմուկը լսելով՝ գիշատիչը ինքնուրույն դուրս է եկել պատուհանի բացվածքից եւ վազել է դեպի ծովը։
