«Սասնա ծռերի» անդամ Պավլիկ Մանուկյանի որդին՝ Արամ Մանուկյանը իր ազատ արձակվելը կապում է ինչպես երկրում տեղի ունեցած քաղաքական փոփոխություններով, այնպես էլ հանրության մեջ տեղի ունեցած փոփոխություններով:
Արդեն ազատության մեջ Արամը պատրաստվում է բուժումներ ստանալ եւ շարունակել ուսումը:
«Պայքարն ավարտված չէ, սպասենք՝ տղերքը բոլորը դուրս գան, ընդհանուր հայությամբ նվիրվենք գործին, շենացնենք մեր երկիրը եւ 400 հազար քառակուսի մետր հետ բերենք: Չեմ փոշմանել, փոշմանելու բան չկար, կար նպատակ, կար գաղափար, հիմնականը, որ գնացել եմ այդ քայլին այն էր, որ ապրիլյան քառօրյային ինձանից տարիքով փոքր տղաներ իրենց կյանքն են դրել: Մեկը ես չէի կարող այդ ամեն ինչը մոռանալ, ուրանալ: Ես իմ պարտքն եմ համարել, էս քայլով հայրենիքին իմ սերը ցույց եմ տվել»,- ասաց նա:
Հիշեցնենք, որ Ազգային ժողովի «Ելք» խմբակցության պատգամավորներ Ալեն Սիմոնյանը եւ Հայկ Կոնջորյանը անձնական երաշխավորություն են ներկայացրել ՊՊԾ գնդի գործով ամբաստանյալ Արամ Մանուկյանի խափանման միջոց կալանքը փոխելու վերաբերյալ: Ավելի ուշ «Ծառուկյան» խմբակցության մի խումբ պատգամավորներ նույնպես անձնական երաշխավորություն են ներկայացրել Արամ Մանուկյանի խափանման միջոցը փոխելու համար:
