Սուպերհամակարգիչների ոլորտում ԱՄՆ-ն Չինաստանից անցել է՝ ստեղծելով 200 պետաֆլոփս արտադրողականությամբ էլկտրոնա-հաշվիչ մեքենա: Այս մասին հայտնում է Մասաչուսեթսի տեխնոլոգիական ինստիտուտի կողմից հրատարակվող MIT Technology Review ամսագիրը:
Պարբերականը նշում է, որ «ԱՄՆ Էներգետիկայի նախարարության Օուք Ռիջում (Թենեսի նահանգ) գտնվող Ազգային հետազոտական լաբորատորիան գործարկել է Summit կոչվող սուպերհամակարգիչը, որի բարձրակետային արտադրողականությունը հասնում է 200 պետաֆլոփսի կամ վայրկյանում 200 կվադրիլ գործողության»:
«Summit-ը հաշվարկներն իրականացնում է միլիոն անգամ ավելի արագ, քան սովորական լափթոփը,- նշում է պարբերականը: - Եվ 60 տոկոսով ավելի արագ, քան աշխարհում նախորդ ամենահզոր չինական սուպերհամակարգիչ Sunway TaihuLight-ը, որի արտադրողականությունը կազմում է վայրկյանում 93 կվադրիլ գործողություն»:
«Summit-ի բոլոր բլոկները եւ կից սարքավորումները հաստատություն են զբաղեցնում, որտեղ կկարողանային տեղավորվել թենիսի 2 կորտ, եւ ավելին են կշռում, քան օդանավը»,- հայտնում է ամսագիրը:
Սուպերհամակարգիչներն իրենց աշխատանքի մեջ օգտագործում են հազարավոր պրոցեսորներ:
Դրանք կիրառվում են խնդիրների համար, որոնք լուծելիս պահանջվում է թվային մոդելավորման անցկացում եւ ռեալ ժամանակում մեծ քանակությամբ տվյալների մշակում: Դրանց թվում են եղանակի եւ կլիմայական պայմանների կախատեսումը, միջուկային փորձարկումների մոդելավորումը, օդանավերի նախագծումը եւ տիեզերական տարածքի հետազոտումը: