ԱՄՆ-ի նախագահ Դոնալդ Թրամփը շաբաթ Քվեբեկից Սինգապուր է մեկնել Հյուսիսային Կորեայի առաջնորդ Կիմ Չեն Ընի հետ հանդիպման համար, որը նախատեսված է հունիսի 12-ին: Ամերիկյան հեռուստաընկերությունները հեռարձակել են նախագահի մեկնումը, հաղորդում է ՏԱՍՍ-ը:
«Որքա՞ն ժամանակ ինձ անհրաժեշտ կլինի հասկանալու համար: Ես կհասկանամ հենց առաջին րոպեին ... Կարծում եմ, շատ արագ կհասկանամ, արդյոք որեւէ լավ բան կլինի», - ասուլիսում ասել է ԱՄՆ նախագահը:
«Եվ եթե այդպես չլինի, ես չեմ ծախսի իմ ժամանակը եւ չեմ ուզում այն ծախսել», — ընդգծել է Թրամփը:
ԱՄՆ-ի նախագահի եւ ԿԺԴՀ առաջնորդի պատմական հանդիպումը տեղի կունենա Սինգապուրի Capella հյուրանոցում, որը տեղակայված է Սենտոս կղզում:
Ավելի վաղ Թրամփը նշել էր, որ չի պատրաստվում գագաթաժողովի ընթացքում որեւէ փաստաթուղթ ստորագրել: Նա նաեւ այլեւս չի ցանկանում առավելագույն ճնշում արտահայտությունն օգտագործել ԿԺԴՀ-ի մասին խոսելիս:
