Bellingcat հետազոտական ընկերությունը կոչ է արել Ռուսաստանին ապացուցել МН17-ի գործով Մոսկվայի դեմ մեղադրանքների կեղծ լինելը, փոխանցում է «ՌԻԱ Նովոստի»-ն։
ՄԱԿ-ում ՌԴ մշտական ներկայացուցչի առաջին տեղակալ Դմիտրի Պոլյանսկին նախօրեին իր թվիթերյան էջում գրել էր, որ Bellingcat-ի մեղադրանքները Ռուսաստանի դեմ հիմնված են կեղծիքի վրա։
«Bellingcat-ն առաջարկում է այս թվիթի մեկնաբանություններում խնդրենք Դմիտրի Պոլյանսկիին՝ ՄԱԿ-ում ՌԴ մշտական ներկայացուցչի առաջին տեղակալին ապացուցել, որ Bellingcat-ը եւ Համատեղ քննչական խումբն օգտագործում են կեղծ ապացույցներ МН17-ի գործով»,-նշված է կազմակերպության թվիթերյան էջում։
Ավելի վաղ Միջազգային քննչական խումբը հրապարակել էր մալայզիական Boeing-ի կործանման հետաքննության միջանկյալ արդյունքները։ Փորձագետների կարծիքով, ինքնաթիռը խոցվել է «Բուկ» զենիթահրթիռային համալիրով, որը պատկանում է Զինված ուժերի 53-րդ զենիթահրթիռային բրիգադին՝ տեղակայված Կուրսկում։