Ռուսաստանի ժողովրդական արտիստ Նինա Ռուսլանովան հոսպիտալացվել է մայրաքաղաքի կլինիկաներից մեկում։ Հոսպիտալացման պատճառը գլխի վնասվածքն է դարձել, հայտնում է ՌԵՆ ՏՎ-ն։ Դերասանուհին Մոսկվայի կենտրոնում գտնվող իր բնակարանում ընկել է։ Ռուսլանովային հիվանդանոց են տեղափոխել շտապ օգնության մեքենայով։ Բժշկական օգնություն ցուցաբերելուց հետո նրան թույլ են տվել տուն վերադառնալ։ Նրա կյանքին վտանգ չի սպառնում։
Դերասանուհին հայտնի է «Իմ ընկեր Իվան Լապշինը», «Ձմեռային բալ», «Բուդուլայի վերադարձը» ֆիլմերից։ Իր դերասանական կարիերայի ընթացքում նա խաղացել է ավելի քան 100 խորհրդային ու ռուսական ֆիլմերում։