Տեխասից նախկին ֆուտբոլիստը, որը դարձել էր Մեքսիկայի թմրակարտելներից մեկի ղեկավարը, փողերի լվացման եւ թմրամիջոցների վաճառքի համար դատապարտվել է 50 տարվա ազատազրկման, հաղորդում է AP-ն:
Էդգար Վալդես Վիլյառեալը՝ «Լա Բարբի» մականունով, որը նա ստացել է բաց գույնի աչքերի եւ մաշկի համար, դատապարտվել է Ատլանտայում: Նա պարտավոր է 192 միլիոն դոլար փոխհատուցում վճարել:
Նրան մեղադրել են նրանում, որ նա Մեքսիկայից բեռնատարներով կոկաին էր բերում ԱՄՆ եւ միլիոնավոր դոլարներ էր ուղարկում Մեքսիկա:
Նա կալանավորվել էր 2010-ին եւ այն 13 անձանց թվում էր, որոնք 2015-ի սեպտեմբերին արտահանձնվել էին ԱՄՆ-ին:
