ԱՄՆ նախագահ Դոնալդ Թրամփն աշխատանքային ճաշից հետո ԿԺԴՀ առաջնորդ Կիմ Չեն Ընին ցույց է տվել իր Cadillac ավտոմեքենաներից մեկը, որը «Գազան» են անվանում, մեդիա կենտրոնից հաղորդում է «ՏԱՍՍ»-ը:
Երկու առաջնորդները դուրս են եկել հյուրանոցից, թիկնապահները բացել են մեքենայի դռները, Կիմ Չեն Ընը ներս է նայել: Դրանից հետո նրանք մտել են Capella հյուրանոց, որտեղ տեղի է ունեցել պատմական հանդիպումը: Հյուրանոցի դիմաց կանգնեցված էր միայն ամերիկյան ավտոշարասյունը, այդ թվում նաեւ՝ երկու միանման նախագահական մեքենան:
