ԱՄՆ նախագահ Դոնալդ Թրամփը հայտարարել է, որ Կիմ Չեն Ընին վստահում է եւ նրա հետ լավ հարաբերություններ է հաստատել:
Նրա խոսքով՝ անցկացված հանդիպումն արդյունավետ էր եւ անկեղծ, կողմերը մտադիր են գագաթնաժողովի արդյունքներով ստորագրված փաստաթղթի կատարումը սկսել հնարավորինս արագ, փոխանցում է ՏԱՍՍ-ը:
ԱՄՆ նախագահը վստահ է, որ Հյուսիսային Կորեայի առաջնորդը ձգտում է ապամիջուկայնացմանը: Նրա խոսքով՝ Կիմ Չեն Ընը հաստատել է Կորեական թերակղզու ապամիջուկայնացումն անցկացնելու հաստատուն վճռականությունը: Թրամփը հավելել է, որ Կիմ Չեն Ընի հետ քննարկել է ապամիջուկայնացման ստուգման եղանակները: Հյուսիսային Կորեան անցկացնում է հրթիռային փորձարարական հրաձգարանների ոչնչացում, հավաստիացրել է ԱՄՆ նախագահը:
Թրամփի կարծիքով՝ հնարավորությունները, որոնք միջուկային զենքից հրաժարվելու դեպքում կունենա Հյուսիսային Կորեան, անսահմանափակ են:
Ըստ որում՝ ԱՄՆ նախագահի խոսքով, Հյուսիսային Կորեայի դեմ պատժամիջոցներն առայժմ ուժի մեջ կմնան: Միացյալ Նահանգները նաեւ չի կրճատի իր պաշտպանական պոտենցիալը որպես Հյուսիսային Կորեայի համար անվտանգության երաշխիք: Դրա հետ մեկտեղ, Վաշինգթոնը կդադարեցնի Կորեական թերակղզու շրջանում զորավարժությունները: