ԱՄՆ-ի նախագահ Դոնալդ Թրամփը հայտարարել է, որ ԿԺԴՀ-ն արդեն ոչնչացրել է հրթիռային շարժիչների փորձարկումների պոլիգոնը, այնուհետեւ կոչնչացնի այնտեղ փորձարկված հրթիռները, հաղորդում է «ՌԻԱ Նովոստի»-ն:
«Նախագահ Կիմ Չեն Ընն ինձ հայտնել է, որ Հյուսիսային Կորեան արդեն ոչնչացրել է հրթիռային շարժիչների փորձարկումների պոլիգոնը, այնուհետեւ կոչնչացնի այնտեղ փորձարկված հրթիռները»,- հյուսիսկորեացի առաջնորդի հետ գագաթնաժողովից հետո լրագրողների հետ զրույցում ասել է Թրամփը:
Նա պարզաբանել է, որ համատեղ հայտարարության մեջ այդ տեղեկությունը չկա, քանի որ ձեռք է բերվել փաստաթղթի ստորագրումից հետո: «Սա մեծ գործ է: Այնտեղ փորձարկվող հրթիռները շուտով նույնպես կոչնչացվեն»,- վստահեցրել է Թրամփը: