Այսօր մենք՝ որպես ընդդիմություն, կարողանում ենք ցույց տալ, թե ինչպիսին պետք է լինի պետականամետ ընդդիմությունը, մենք երբեք անձնական վիրավորանքների դաշտ չենք մտնում, անձնական պայքար չենք մղում: Այս մասին այսօր՝ հունիսի 12-ին, Կոմիտասի անվան պանթեոնում լրագրողների հետ զրույցում ասաց ՀՀԿ մամուլի խոսնակ, ԱԺ փոխնախագահ Էդուարդ Շարմազանովը՝ հավելելով, որ իրենք Արցախի ու Ցեղասպանության, մյուս ազգային հարցերում գործող իշխանության կողքին են:
Հարցին, թե ինչու ՀՀԿ-ի հետ պանթեոնում չէ կուսակցության առաջին փոխնախագահ Կարեն Կարապետյանը, Շարմազանովը պատասխանեց. «Չեմ կարող ասել, միգուցե Հայաստանում չէ, բայց մի քանի օր առաջ ես Կարեն Կարապետյանին հանդիպել եմ ու միասին ենք եղել»։
Ավելի վաղ NEWS.am-ը հայտնել էր, որ այսօր՝ հունիսի 12-ին, ՀՀ նախկին վարչապետ, ՀՀԿ նախկին նախագահ Անդրանիկ Մարգարյանի ծննդյան օրվա կապակցությամբ ՀՀԿ նախագահ Սերժ Սարգսյանը ՀՀԿԼ-ական գործիչների հետ այցելել են Կոմիտասի անվան Պանթեոն եւ հարգանքի տուրք մատուցել նրա հիշատակին:
