Կորեական թերակղզու ամբողջական ապամիջուկայնացումը կարող է տեւել 15-20 տարի: Նման գնահատական է կատարել ԱԷՄԳ-ի վերահսկողության եւ անվտանգության ոլորտում քաղաքականության համակարգման դեպարտամենտի ղեկավար Թարիք Ռաուֆը, փոխանցում է «ՌԻԱ Նովոստի»-ն:
Նա պարզաբանել է, որ նման երկար ժամկետը կապված է այն հանգամանքի հետ, որ Հյուսիսային Կորեան տեխնիկական իմաստով շատ առաջ է ընթացել:
«Մնում է նաեւ ենթակառուցվածքը, եւ հարկ է հիշել, որ Հյուսիսային Կորեան փոքր պետություն չէ: Անհրաժեշտ է ստուգումներ անցկացնել երկրի ամբողջ տարածքում՝ հաստատելու համար, որ ոչ մի տեղ չապամիջուկայնացված միջուկային զենք չի մնացել»,- ասել է Ռաուֆը:
Նրա կարծիքով՝ Հյուսիսային Կորեայում միջուկային զենքի ապամոնտաժման համար ԱՄՆ-Ռուսաստան-Չինաստան «եռյակը» ավելի է համապատսախանում, քան ավանդական «վեցյակը»: Նա հավելել է, որ ընդհանուր համատեքստում Կորեական թերակղզու ապամիջուկայնացման համար կպահանջվի բոլոր շահագրգիռ երկրների մասնակցությունը:
