Իսրայելի վարչապետ Բենիամին Նեթանյահուն իսրայելական ոստիկանության կողմից 2 միլիարդ դոլարի գերմանական Thyssenkrupp սուզանավերի վաճառքի հետաքննության շրջանակում հարցաքննվել է: Ոստիկանությունը հայտարարել է, որ նա կասկածյալ չէ, այլ ընդամենը ցուցմունք է տվել, հաղորդում է Reuters-ը:

3 սուզանավերի եւ 4 պարեկային նավերի վերաբերյալ գործարքը կոռուպցիայի մասին գործի շրջանակում հետաքննության առարկա էր դարձել այն բանից հետո, երբ Channel 10 TV հեռուստաալիքը հաղորդեց, որ Նեթանյահուի անձնական փաստաբանը նաեւ ներկայացրել է Thyssenkrupp Marine Systems-ի տեղական գործակալին, ինչը կարելի է որպես շահերի բախում գնահատել: