Նախկինում երբեք այս ծավալներով ներդրումային հետաքրքրություն Հայաստանում չի եղել։ Այս մասին Ֆեյսբուքի իր էջում պատասխանելով օգտատերերի հարցերին ասաց ՀՀ վարչապետ Նիկոլ Փաշինյանը։
«Հիմա մեր խնդիրն է այդ հետաքրքրությունը վերածել ներդրումային բումի։ Դրա համար պետք է շատ արագ բարեփոխումներ իրականացնենք, որի վրա աշխատում ենք։ Դրանցից ամենակարեւորներից մեկը այսպես կոչված «ինվեստորի մեկ պատուհանի» ներդրումն է։ Այդ գաղափարի իմաստն այն է, որ երբ որեւէ ներդրող գալիս է Հայաստան, նա պետք է իմանա, որ կա մի գրասենյակ, որտեղ ինքը կարող է գնալ, ասել, թե ինչ բիզնես է ուզում անել եւ այլեւս ոչ մի պետական գերատեսչության հետ գործ չունենա։ Իր փոխարեն բոլորը կանի այդ ընկերությունը»,-հայտարարեց Փաշինյանը։