Հայտարարությունները, թե հեռուստաընկերությունները ղեկավարվում են մեկ կենտրոնից, կամ «Ա1+»-ի փակման հարցը, այս ամենը պայմանավորված է ժամկետային լիցենզավորումով: Այս մասին, այսօր՝ հունիսի 13-ին, ԱԺ-ում Հեռուստատեսության եւ ռադիոյի ազգային հանձնաժողովի 2017 թվականի գործունեության մասին» հաղորդումը քննարկելիս իր ելույթում նշեց ՀՀԿ խմբակցության պատգամավոր Խոսրով Հարությունյանը:
Նրա խոսքով, երբ «Ա1+»-ը փակվեց, օգտագործվեց հենց ժամկետային լիցնեզավորման պարագան. «Մենք այն ժամանակ հայտարարեցինք, որ խնդիրը քաղաքական է, բայց լուծումը իրավական պետք է լինի: Ինձ համար հասկանալի չէ, թե ինչու պետք է ժամկետով աշխատի հեռուստաընկերությունը: Ընկերությունը ծախսեր է կատարում, ձեւավորում է լսարան, աշխատում է շահութաբերությամբ, ինչո՞ւ եք սահմանափակում լիցենզիան: Եթե մեկ ուրիշն էլ է ուզում զբաղվել, թող գնի հեռուստաընկերություն: Եթե չունենայինք այդ սահմանափակումը, «Ա1+»-ը չէր փակվի: Սա բիզնես է, ես ներդրումներ եմ արել, հետո ինձ ասում եք՝ կներեք, չստացվեց ձեզ մոտ, լիցենզիա չենք տալիս: Եթե ուզում եք, գնեք հեռուստաընկերություն, արգելք չկա, լավ գին առաջարկեք: Կարգավորեք այս խնդիրը եւ բոլոր հեռուստաընկերություններն ազատ կշնչեն»,-հայտարարեց Խոսրով Հարությունյանը:
Նա նշեց, որ կողմ կողմ կլիներ, որ հեռուստաընկերությունները լինեին Բբաց բաժնետիրական ընկերություններ, որոնց բաժնետոմսերը կշրջանառվեին բորսայում: