Չինաստանն աջակցություն է հայտնել ԱՄՆ նախագահ Դոնալդ Թրամփի հայտարարությանը՝ Հարավային Կորեայի հետ համատեղ զորավարժությունների կասեցման մասին: Պեկինում կարծում են, որ դա խոսում է Չինաստանի կողմից «կրկնակի սառեցման» մասին առաջարկի գործնական լինելու մասին: Այս մասին հայտարարել է Չինաստանի ԱԳՆ ներկայացուցիչ Գեն Շուանը:
Ավելի վաղ Պեկինը կողմերին «կրկնակի սառեցում» էր առաջարկել, ըստ որի Հյուսիսային Կորեան դադարեցնում է միջուկային եւ հրթիռային փորձարկումները, իսկ Հարավային Կորեան եւ ԱՄՆ-ն կասեցնում են ռազմական զորավարժությունները՝ բանակցային սեղանի շուրջ նստելու համար:
Հիշեցնենք, որ Սինգապուրում ԿԺԴՀ առաջնորդ Կիմ Չեն Ընի հետ հանդիպումից հետո Թրամփը հայտարարել էր Հարավային Կորեայի հետ ռազմական զորավարժությունների դադարեցման անհրաժեշտության մասին՝ նշելով, որ «դա մեծ գումարներ կխնայի», եւ զորվարժությունները «սադրիչ» անվանելով:
