Թոշակներն ու աշխատավարձերը կարող ենք բարձրացնել, եթե համոզվենք, որ եկամուտները կայուն աճ են գրանցում: Այս մասին, այսօր՝ հունիսի 13-ին, ԱԺ-ում ՀՀ 2017 թվականի պետական բյուջեի կատարման տարեկան հաշվետվությունը ներկայացնելիս հայտարարեց ԿԲ փոխնախագահ Ներսես Երիցյանը:
Ազգային ժողովի փոխնախագահ Միքայել Մելքումյանը հետաքրքրվեց, որ եթե 2017-ին ակնկալվում էր ունենալ 3.2 տոկոս տնտեսական աճ, բայց արձանագրվել է 7.5 տոկոս, այդ աճը թույլ չի՞ տալիս բարձրացնել թոշակներն ու աշխատավարձերը, եւ եթե թույլ չի տալիս, ապա քանի՞ տարի է անհրաժեշտ, որ անդրադարձ լինի այդ թեմային:
Ի պատասխան Ատոմ Ջանջուղազյանն ասաց, որ 2016 թվականին զրոյական տնտեսական աճ է եղել, իսկ 2017-ին 7,5 տոկոս. «Հիմա ենթադրենք՝ 15-20 մլրդ դրամ ավելի է եղել, քան պետք է լիներ, կարո՞ղ ենք երկարաժամկետ սոցիալական պարտավորություն ստանձնել: Մենք չենք կարող 3 տարի հետո հետ վերադառնալ սոցիալական ծախսերի նույն մակարդակին, ինչ որ հիմա կարող ենք ստանձնել: Դրա համար այդ հարցի պատասխանն իրար հետ պետք է տանք, երբ կքննարկենք առաջիկա ծրագրերը եւ համոզվենք, որ եկամուտները կայուն աճ են գրանցում»: