ՀՀ վարչապետ Նիկոլ Փաշինյանը դեռ չի ընդունել Մանե Թանդիլյանի՝ աշխատանքի եւ սոցիալական հարցերի նախարարի պաշտոնից հրաժարականի դիմումը: Այս մասին հունիսի 13-ին Ազգային ժողովում լրագրողների հետ զրույցում ասաց «Ելք» դաշինքի պատգամավոր, «Լուսավոր Հայաստան» կուսակցության ղեկավար Էդմոն Մարուքյանը:
Նրա խոսքով՝ աշխատանքի եւ սոցիալական հարցերի նախարարի պաշտոնի համար նոր թեկնածությունը կքննարկվի միայն վարչապետի կողմից հրաժարականի հաստատումից հետո: «Այսինքն, մենք այս պահին մենք այլ անձանք թեկնածության հարցը չենք քննարկում, քանի որ դիմումը դեռ չի ստորագրվել», - պարզաբանեց Մարուկյանը:
Խոսելով Մանե Թանդիլյանի՝ կուսակցությունից դուրս գալու մասին, Էդմոն Մարուքյանը հավաստիացրեց, որ եթե նա թողնի իր պաշտոնը Կառավարությունում, սակայն միեւնույն ժամանակ որոշի մնալ «Լուսավոր Հայաստան»-ի շարքերում, ոչ ոք չի խանգարի նրան պաշտպանել եւ խթանել իր դիրքորոշումն այս հարցում:
Հիշեցնենք, որ Մանե Թանդիլյանը կտրուկ անհամաձայնություն էր հայտնել վարչապետ Նիկոլ Փաշինյանի դիրքորոշման հետ, ով իշխանության գալուց հետո ամբողջությամբ փոխել է իր տեսակետը պարտադիր կուտակային կենսաթոշակային համակարգի ներդրման վերաբերյալ: Թանդիլյանը նաեւ հեռացել է «Լուսավոր Հայաստան» կուսակցության շարքերից: