Երկու նոր ուսումնասիրությունների համաձայն Անտարկտիկայում սառույցը հալվում է ռեկորդային արագությամբ, հաղորդում է «Ինտերֆաքսը»` հղում անելով Guardian թերթին:
ԱՄՆ-ի եւ Մեծ Բրիտանիայի գիտնականների կողմից անցկացված ուսումնասիրությունը ցույց է տալիս, որ վերջին հինգ տարիների ընթացքում անտարկտիկական սառցաշերտերի հալման արագությունը եռապատկվել է:
Հետազոտության համաձայն, մինչեւ 2012 թվականը, Անտարկտիկայում սառույցի քանակի նվազումը պահպանվել է տարեկան 76 մլրդ տոննա մակարդակում, սակայն այդ ժամանակից ի վեր այդ թիվը աճել է տարեկան մինչեւ 219 մլրդ տոննա:
«Սա պետք է անհանգստության պատճառ լինի կառավարությունների համար, որոնց մենք վստահում ենք մեր ափամերձ քաղաքների ու համայնքների պաշտպանությունը», - ասում է պրոֆեսոր Էնդրյու Շեպարդը՝ հետազոտություններից մեկի մասնակիցը:
