Հարավկորեացիները աջակցում են նախագահ Դոնալդ Թրամփի եւ Հյուսիսային Կորեայի առաջնորդ Կիմ Չեն Ընի միջեւ տեղի ունեցած գագաթաժողովի արդյունքներին, իսկ բացասական արձագանքները հնչեցվել են հասարակական կարծիքից «մեկուսացված» մարդկանց կողմից: Այս մասին հայտարարել է Հարավային Կորեայի նախագահի մամուլի քարտուղարը՝ ներկայացնելով նախագահ Մուն Ջեինի եւ ԱՄՆ պետքարտուղար Մայք Պոմպեոյի հանդիպման արդյունքները, փոխանցում է Reuters-ը:
Հանդիպման ընթացքում զրուցակիցները համաձայնել են, որ Վաշինգտոնը, Սեուլն ու Փհենյանը կարող են համագործակցել 1950-ական թվականներին Կորեական պատերազմում անհայտ կորած եւ ենթադրաբար մահացած ամերիկացի զինվորների աճյունների փոխանցման գործում:
