News
Լրահոս
News
Կիրակի
Հունիս 16
USD
478.4
EUR
539.06
RUB
7.43
ME-USD
0.15
Տեսնել լրահոսը

Հայաստանում քաղաքական լուրջ փոփոխությունները կան, բայց մտածելակերպը չի փոխվում: Այս մասին այսօր՝ հունիսի 14-ին, «Արեւելյան գործընկերության ապագան ալեկոծ ժամանակներում» միջազգային գիտաժողովի ժամանակ նշեց ԱԺ «Ծառուկյան» խմբակցության պատգամավոր Նաիրա Զոհրաբյանը:

Անդրադառնալով գիտաժողովի անվանմանը, Զոհրաբյանն ասաց, որ այն շատ դիպուկ է. «Միգուցե, ալեկոծ բառը, այո, կարող է շատերի մոտ տագնապի ասոցիացիաներ առաջացնել, բայց Հայաստանի համար սա ամենաճիշտ ու տեղին բառ է: Մենք այնքան երկար ենք ապրել գարշահոտ ճահիճում, որտեղ մի քաղաքական ուժ հաստատել էր իր գարշահոտ ներկայությունը, որ մեզ օդի ու ջրի պես անհրաժեշտ էր այս ալեկոծությունը»,- ասաց Զոհրաբյանը՝ հավելելով, որ արմատական փոփոխություններ են տեղի ունենում Հայաստանում:

«Ես կցանկանայի, որ այդ փոփոխությունները տեղի ունենան նաեւ մարդկանց ուղեղում: Փոփոխությունները կան, բայց մտածելակերպը չի փոխվում, ուստի ամեն մեկս պետք է փոխվենք, եթե մենք դիմացինից պահանջում ենք լինել առաջամարտիկ, նախաձեռնող, կրեատիվ, քայլ անել, ապա պետք է ամեն մեկս մեզնից սկսենք: Շատ բան փոխվեց ու դեռ շատ բան փոխվելու է: Ինձ համար շատ կարեւոր է, որ եվրոպական վեկտորի հետ կապված կոնսենսուսը, որ եղել է, անփոփոխ է եւ պետք է խորանա»,-ասաց Նաիրա Զոհրաբյանը:

«Հայաստանը տարբեր է, Հայաստանը ցույց տվեց, որ տարբեր է: Չեմ ասում՝ լավն ենք կամ վատն ենք, չէ, մենք ուրիշ ենք, մենք կարողացանք տոտալիտար աքցանների պարագայում հեղափոխություն անել այն դեպքում, երբ մարդուն սարքել են ստրուկ, 10,000 դրամ են շպրտել, ուղեկցել քվեախցիկ»,- ընդգծեց պատգամավորը:

Անդրադառնալով Հայաստանի առջեւ ծառացած մարտահրավերներին, Նաիրա Զոհրաբյանն ասաց, որ դրանցից մեկը կոռուպցիան է. «Որտեղ ձեռք ենք տալիս՝ սկսած փոքր մանկապարտեզից մինչեւ բարձրագույն իշխանության օղակներ, կոռուպցիոն սկանդալներ են դուրս գալիս: Սա ի՞նչ է նշանակում, սա նշանակում է, որ դուք, հարգարժա՛ն դեսպան, երբ ԵՄ հսկայական գումարները ուղղել եք իբր կոռուպցիայի դեմ պայքարին, դրանք տվել եք ամենամեծ կոռուպցիոներների ձեռքը, ասել եք, թե ակնկալում ենք, որ պայքարեք ձեր դեմ: Չի կարող այդպես լինել:

Այսինքն որոշակի սխալներ եղել են ձեր կողմից: Մենք ահազանգում էինք, ասում էինք՝ մի տվեք նախարարություններին գումար, դրանք գնում են նախարարների, բարեկամների անուններով գրացված ֆեյք ՀԿ-ների անձնական բարեկեցությունը զարգացնելու համար, շատ դեպքերում անարձագանք էր մնում: Ինձ զարհուրեցնում է կոռուպցիոն բացահայտումների այս մակարդակը, որոնք դեռ ծաղիկներ են»,- ընդգծեց Նաիրա Զոհրաբյանը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Եվրագոտու երկրների ֆինանսների նախարարներին չի հաջողվել համաձայնեցնել ընդհանուր բյուջեն
Վիճելի հարցերից է եվրագոտու 19 պետությունների ապագա բյուջեի ֆինանսավորումը, հայտարարել է Լյուքսեմբուրգում կայացած հանդիպման մասնակիցներից մեկը…
Եվրամիությունը զսպվածության կոչ է արել ԱՄՆ-ին եւ Իրանին
«Մենք բազմիցս հայտարարել ենք, որ տարածաշրջանում հետագա էսկալացիայի կարիք չկա, այդտեղ ապակայունացում պետք չէ»…
Իմ հոռետեսությունն, ավաղ, հաստատվեց․ Աշոտյանը՝ ՀՀ-ԵՄ գործընկերության խորհրդի հայտարարության մասին
Փաշինյանի վերջին Բրյուսելյան այցից հետո իշխանությունները մատի քարոզչական փաթաթան սարքեցին Յունկերի միտքը․․․․
Մենք շատ ենք կենտրոնացած ԵՄ-ի հետ բանակցությունների էության վրա. ՀՀ ԱԳ նախարար
Էությունն այն է, թե մենք ինչպես ենք կազմակերպել մեր աշխատանքը ՀՀ-ի եւ ԵՄ-ի միջեւ կնքված համաձայնագրի իրականացման տեսակետից…
Ես երբեք Հայաստանի այս կառավարությունը նախորդի հետ չեմ համեմատի. Մոգերինի
Ես կարող եմ հստակ եւ առանց ստվերի գնահատել այս տարվա ընթացքում կատարված աշխատանքը եւ ես կարող եմ այն գերազանց գնահատել», - ընդգծեց նա...
ՀՀ–ԵՄ գործընկերության խորհրդի երկրորդ նիստի արդյունքներով համատեղ մամուլի հայտարարությունը
2019 թվականի հունիսի 13-ին Բրյուսելում կայացավ Հայաստանի և Եվրամիության միջև Գործընկերության խորհրդի երկրորդ նիստը...