News
Լրահոս
News
Երկուշաբթի
Հունվար 21
Տեսնել լրահոսը

Հայաստանը Մոսկվայում Հաղթանակի թանգարանին է նվիրել հայ զորահրամանատար, մարշալ Համազասպ Բաբաջանյանի կիսանդրին:

Այս իրադարձությունը շարունակում է Հայրենական մեծ պատերազմի ճակատներում աչքի ընկած հայ ականավոր զորահրամանատարների հիշատակի հավերժացման միջոցառումների շարքը: Անցյալում Թանգարանին էր փոխանցվել մարշալ Հովհաննես Բաղրամյանի կիսանդրին:

Արարողությանը մասնակցել է Հայաստանի վարչապետ Նիկոլ Փաշինյանը՝ ընդգծելով միջոցառման կարեւորությունը: «Հատուկ հպարտությամբ եմ գտնվում Թանգարանում, որը նվիրված է մեր պատմության անբաժանելի մասին՝ Հայրենական մեծ պատերազմին: Առանձնահատուկ հաճույք է Հայաստանի անունից նվիրել ականավոր հայ զորահրամանատար, զրահատանկային զորքերի մարշալ Համազասպ Բաբաջանյանի կիսանդրին»,- շեշտել է Նիկոլ Փաշինյանը:

Նրա խոսքով՝ Թանգարանին Բաղրամյանի եւ Բաբաջանյանի կիսանդրիների փոխանցումը վկայում է այն մասին, որ հայ եւ ռուս ժողովուրդները ոչ միայն հարգանքի տուրք են մատուցում զորահրամանատարների սխրանքներին, այլեւ հիշատակը փոխանցում են սերնդեսերունդ: «Հայրենական մեծ պատերազմը ԽՍՀՄ երկրների ժողովուրդների, այդ թվում՝ հայ ժողովրդի համար ծանր փորձություն էր: Ճակատից հետ չի եկել յուրաքանչյուր երկրորդ հայը, այդ թվում՝ նաեւ իմ պապիկը, ում անունն ու ազգանունը կրում եմ: Մեր պարտքն է պահպանել եւ երիտասարդ սերնդին փոխանցել այս անօրինակ սխրանքի մասին հիշատակը, ինչպես նաեւ հնարավոր ամեն ինչ անել մեր երկրների բարգավաճման համար: Այսօրվա միջոցառումը հարգանքի տուրք է մեր հերոսներին եւ մեր թանկագին վետերաններին, ինչպես նաեւ հայ-ռուսական անխախտ բարեկամության, փոխօգնության եւ համերաշխության խորհրդանիշն է»,- նշել է Նիկոլ Փաշինյանը:

Նա շեշտել է, որ Հայրենական մեծ պատերազմում հաղթանակը, որը կերտողներն էին նաեւ հայերը, եղել եւ մնում է հերոսական անցյալի գլխավոր նշաձողերից մեկը, Հայաստանում երբեք չեն դադարել դրանով հպարտանալ: Նիկոլ Փաշինյանը շնորհակալություն է հայտնել միջոցառման նախաձեռնողներին, ինչպես նաեւ կիսանդրու հեղինակ, Հայաստանի եւ Ռուսաստանի Ճարտարապետների միության անդամ Աշոտ Թադեւոսյանին:

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
«Ժամանակ». Գազի թանկացումը կատարվել է Կարեն Կարապետյանի գծած սխեմայով. մանրամասներ
Ըստ էներգետիկ փորձագետների՝ եթե գազի գինը չբաձրանար, իրական հնարավորություն կար այն իջեցնելու 15 դոլարով...
Հայաստանի տարածքից ռուսական ռազմական բազայի դուրսբերումն անթուլատրելի է. փորձագետ
Նրա խոսքով՝ չլուծված ղարաբաղյան խնդրի պայմաններում, ինչպես նաեւ հաշվի առնելով Հայաստանի դեմ Թուրքիայի տրամադրվածությունը, երկրում խաղաղությունը կարող է ապահովվել միայն ՌԴ հետ միության դեպքում...
Վալերի Սեմերիկովը շնորհավորել է Փաշինյանին ՀՀ վարչապետ նշանակվելու առթիվ
Հույս ունենք շարունակել եւ ակտիվացնել համագործակցությունը Հայաստանի Հանրապետության հետ ՀԱՊԿ ձեւաչափում...
Մեդվեդևը շնորհավորել է Փաշինյանին
Հուսով եմ, որ միասնական ջանքերով լիարժեք կբացահայտել ԵՏՄ շրջանակներում ինտեգրման ներուժը...
Պուտինը շնորհավորել է Փաշինյանին ՀՀ վարչապետ նշանակվելու կապակցությամբ
Մասնավորապես, ՌԴ նախագահը նշել է, որ Ռուսաստանի եւ Հայաստանի միջեւ հարաբերությունները հիմնված են բարեկամության եւ․․․
«ՌԴ 102 բազա՛, ձեր գազաններին պահեք վանդակներում»․ Գյումրիում ցուցարարների կոչը՝ ռուսական բազային
Ակցիայի մասնակիցներն այդ թռուցիկները ամրացրին ռազմաբազայի տարածքի մոտ տեղադրված ցանկապատերին…
Ամենաշատ