News
Լրահոս
News
Երեքշաբթի
Հոկտեմբեր 16
Տեսնել լրահոսը

«Երեւան» հիմնադրամի տնօրեն Աշոտ Ղազարյանն ու Դավիթաշեն վարչական շրջանի ղեկավարի տեղակալ Խաչատուր Կիրակոսյանը ձերբակալվել են: Այս տեղեկությունը NEWS.am-ի հետ զրույցում հաստատեց Ազգային անվտանգության ծառայության մամուլի խոսնակ Սամսոն Գալստյանը:

Ավելի վաղ ԱԱԾ-ն հայտնել էր, որ հաղորդում է ստացվել ՀՀ քաղաքացիներ Վ.Գ.-ից եւ Ա.Խ.-ից այն մասին, որ Երեւանի քաղաքապետարանի պաշտոնատար անձինք, կառուցապատման եւ գույքի ձեւակերպման համապատասխան թույլտվություններ տրամադրելու դիմաց, բացի օրենքով սահմանված վճարումներից, իրենց պարտադրել են «Երեւան» հիմնադրամին փոխանցել խոշոր չափերով գումարներ:

Նյութերի նախապատրաստման ընթացքում պարզվել է, որ վերոնշյալ պատրվակով առձեռն ստացված գումարների մի մասը հիմնադրամի հաշվեհամար չի մուտքագրվել եւ հափշտակվել է:

Հանցագործության մասին հաղորդումների հիման վրա ՀՀ ԱԱԾ քննչական վարչությունում հարուցվել է քրեական գործ ՀՀ քրեական օրենսգրքի 308-րդ հոդվածի 2-րդ մասի («Պաշտոնեական լիազորությունները չարաշահելը, որն անզգուշությամբ առաջացրել է ծանր հետեւանքներ») եւ 178-րդ հոդվածի 2-րդ մասի 1.1 կետի («Պաշտոնական դիրքն օգտագործելով կատարված խարդախություն») հատկանիշներով:

Երեւանի քաղաքապետարանի վարչական շենքում տեղակայված «Երեւան» հիմնադրամի աշխատասենյակներում քրեական գործով կատարվել են խուզարկություններ: Իրականացվում են լայնածավալ օպերատիվ-հետախուզական միջոցառումներ եւ քննչական գործողություններ` քաղաքացիներից գումարների հավաքագրման հանգամանքները, ծախսերի ուղղությունները եւ նպատակայնությունը, ինչպես նաեւ օրինականությունը պարզելու ուղղությամբ:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԱԱԾ–ն թույլ չի տա, որ որեւէ ուժի կամ անհատի կողմից սահմանադրական կարգի խախտում կատարվի. Վանեցյան
Նա հավաստիացրեց, որ իրենք տիրապետում են իրավիճակին, եւ թույլ չեն տա, որ հանկարծ որեւէ ուժի կամ անհատի կողմից թույլ տրվեն այնպիսի խախտումներ...
Այսօր կարեւոր օր է, Հայաստանը թեւակոխում է մի նոր կարեւոր շրջափուլ. Փաշինյան
Այդ մասին ես ավելի կոնկրետ հանդես կգամ այսօր երեկոյան...
Բնականաբար, ինչ-որ բանի սպասում էի. ես նոր Հայաստանի կողմնակից եմ. Հունան Պողոսյան
Դե դրանք երեւի ստրկամիտ մարդիկ են, կարող են այդպես մտածել: Ես ծառայելով օրենքին, միշտ ժողովրդին եմ ծառայել…
Կանխատեսում ունեմ, որ 3-րդ եւ 4-րդ քաղաքական ուժերը կարող են անգամ չմոտենալ 1 տոկոսի սահմանագծին. Նաիրա Զոհրաբյան
Որքանո՞վ է ժողովրդավար, որ մենք արհեստականորեն քվոտա դնենք եւ խորհրդարան անցնեն ուժեր, որոնք հանրային վստահությունը զրո ամբողջ զրո քանի տոկոս է...
Չեմ կարծում, որ իշխանական մի մենաշնորհի անցումը մյուս մենաշնորհին կարող է երկրի համար օգտակար լինել. Ռոբերտ Քոչարյան
Ես Հայաստանի պետականության համար բավականին խնդրահարույց իրավիճակ եմ տեսնում...
Նիկոլ Փաշինյանի մոտ ստեղծվել է անձնական ատելություն իմ անձի հանդեպ. Ռոբերտ Քոչարյան
Գիտե՞ք, այսպիսի քաղաքական գերակշռության պայմաններում, որը կարող է ձեւավորվել, չեմ կարող գործնականում կանխատեսել երկրի դատական համակարգի վրա իշխանության ճնշման աստիճանը...
Partner news