News
Լրահոս
News
Չորեքշաբթի
Հունվար 16
Տեսնել լրահոսը

Սրընթաց փոփոխությունների ժամանակաշրջանում ձեւափոխվում են կազմակերպությունները, մոտեցումներն ու մեթոդները, տարբեր սերունդների՝ կյանքի առաջնահերթություններն ու արժեքները, ինչպես նաեւ մարդկային հարաբերությունները: Այս ամենից անմասն չի մնում նաեւ բիզնես ոլորտը. արդյունքում փոխվում են կազմակերպությունների կառուցվածքային ձեւերն ու կառավարման ռազմավարությունները:

Skill.am-ի նախաձեռնությամբ իրականացվող #WTSA («Համաշխարհային թոփ բանախոսները Հայաստանում») նախագծի շրջանակում՝ 2018 թվականի սեպտեմբերի 7-ին Երեւանում ինսայթ սեսիայով հանդես կգա ականավոր շվեդ տնտեսագետ, գիտական աշխատությունների հեղինակ եւ բիզնես վերլուծաբան Կյել Նորդստրյոմը՝ Հայաստանում իր տեսակի մեջ առաջինը հանդիսացող «Business in FAANG style. ապագա առաջնորդների եւ կազմակերպությունների ռազմավարություն» դասախոսությամբ՝ ինսայթ սեսիայի ձեւաչափով։ Կյել Նորդստրյոմը երկու անգամ գլխավորել է «The Thinkers 50» համաշխարհային վարկանիշային ցուցակը եւ համարվում է դարի ամենահայտնի եւ պարադոքսալ մտածողներից մեկը:

Միջոցառման գլխավոր գործընկերն է հեռահաղորդակցության առաջատար օպերատոր ՎիվաՍել-ՄՏՍ-ը:

Միջոցառման մասնակիցները կծանոթանան ժամանակակից գործարար միջավայրի մասին պատմող «Funky Business» բեսթսելերի համահեղինակ Կյել Նորդստրյոմի տեսակետներին: Բանախոսը լսարանին կներկայացնի տարիների իր փորձն ու ապագայի առաջնորդների եւ կազմակերպությունների ռազմավարությանը վերաբերող գաղտնիքներ, մասնավորապես՝ թե ինչպես է կազմակերպական կառուցվածքն  ազդում տեխնոլոգիական խոշոր փոփոխությունների վրա՝ փոխելով արժեհամակարգեր:

«Ապագայի մրցավազքում ձախողում է նա, ով չի մասնակցում դրան»

«FAANG»-ը սահմանում է բիզնես միջավայրի նոր ստանդարտ: Հապավումն առաջացել է ժամանակակից աշխարհում բիզնես գործունեություն իրականացնող ամենաարդյունավետ ընկերություններից մի քանիսի անվանումների առաջին տառերից: Դրանք են «Facebook», «Apple», «Amazon», «Netflix» եւ «Google» ընկերությունները։

Ըստ Նորդստրյոմի՝ հաջողակ են այն կազմակերպությունները, որոնց ռազմավարությունը համապատասխանում է նշված ընկերությունների գործառնական համակարգերի հիմքում ընկած տրամաբանությանը:

Կյել Նորդստրյոմը բիզնես ոլորտի՝ ներկայում ամենապահանջարկված մտածողներից մեկն է։ 1999թ.-ին լույս տեսած «Funky business» համաշխարհային բեսթսելերն անդրադառնում է 21-րդ դարի նոր բիզնես միտումներին: Նորդստրյոմի հետազոտություններն ու խորհրդատվական գործունեությունը կենտրոնացած են միջազգային կորպորացիաների ռազմավարական կառավարման եւ գլոբալացման գործընթացների վրա:

Ինսայթ սեսիայի մասնակցության հայտերն ընդունվում են, եւ բոլոր հետաքրքրվածները կարող են դիմել՝ այցելելով www.skill.am կայք: Ինսայթ սեսիան անցկացվելու է անգլերենով՝ միաժամանակյա ռուսերեն թարգմանությամբ:

Նշենք, որ «Funky Business » գրքի հեղինակներն են Կյել Նորդստրյոմն ու Յոնաս Ռիդեստրալը, որոնք 21-րդ դարի իրականությունն անվանում են «ֆանկ դարաշրջան»։ Այս ժամանակաշրջանում հին խաղի կանոններն այլեւս չեն գործում։

Գրքի հիմնական եզրահանգումն այն է, որ այս երկու շվեդ տնտեսագետների կողմից իրականացված դիտարկումներն օգնում են ավելի լավ հասկանալ 21-րդ դարի անկայունությունը, ինչպես նաեւ՝ աշխարհի հետագա զարգացման վեկտորը: Գիրքը կօգնի ավելի արդյունավետ եւ ճշգրիտ որոշումներ կայացնել։ Չնայած նրան, որ գիրքը գրվել է 19 տարի առաջ, նրանում ամփոփված դիտարկումներն ակտուալ են նաեւ այսօր։ Գիրքը թարգմանվել է 33 լեզուներով եւ շատերն այն համարում են նոր աշխարհի մանիֆեստը:

Տպել
Կարդացեք նաև
Ամբողջը
ՎիվաՍել-ՄՏՍ-ի աջակցությամբ Արփի գյուղը Նոր տարին կդիմավորի լուսավորված փողոցներով
Լուսավորության ժամանակակից էներգախնայող համակարգի գործարկմանը մասնակցել են ՎիվաՍել-ՄՏՍ-ի գլխավոր տնօրեն Ռալֆ Յիրիկյանը...
Անսահմանափակ Instagram «X» եւ «Y» սակագնային պլանների բաժանորդների համար
Մինչեւ 2019թ. հունվարի 31-ը (ներառյալ) «X» եւ «Y» սակագնային պլանների՝ ակտիվ փաթեթներ ունեցող բաժանորդները կարող են անսահմանափակ օգտվել…
ՎիվաՍել-ՄՏՍ-ը հնարավորություն է տալիս ներցանցային րոպեները դարձնել մեգաբայթեր
Փոխանակման համար պետք է մուտք գործել «Իմ ՎիվաՍել-ՄՏՍ» հավելված սմարթֆոնի միջոցով...
Լուծվել է 30 տարվա վաղեմության խնդիր. երկաթյա վագոն-տնակի փոխարեն կոթեցի ընտանիքն արդեն քարե տուն ունի
Ընթացիկ տարում հատկապես կարեւոր ձեռքբերում էր կոթեցի ընտանիքներից մեկին ցուցաբերված աջակցությունը...
ՎիվաՍել-ՄՏՍ-ի գլխավոր տնօրենը հյուրընկալել է ՅՈՒՆԻՍԵՖ-ի ծրագրերում ընդգրկված դպրոցահասակ երեխաների
Երեխաներն ավելի վաղ Ռալֆ Յիրիկյանի հետ հանդիպել էին «Թումո» կենտրոնում եւ ցանկություն հայտնել այցելել ընկերության գլխավոր գրասենյակ՝ ՎիվաՍել-ՄՏՍ-ի աշխատանքային առօրյային...
Հաջողության ճանապարհին երբևէ չընկրկել ու չընկճվել, այլ՝ դիմանալ ու հաղթել. Ռալֆ Յիրիկյան
Հանդիպմանը հաջորդել է ինտերակտիվ զրույց ուսանողների եւ Ռալֆ Յիրիկյանի միջեւ: Գործարարը սիրով պատասխանել է ուսանողներին հետաքրքրող հարցերին...