News
Լրահոս
News
Չորեքշաբթի
Հունվար 23
Տեսնել լրահոսը

Շվեդիայում Սվեա շրջանի վերաքննիչ դատարանը հրաման է արձակել «Գազպրոմի» եւ «Ուկրաինայի Նավթոգազի» միջեւ գազի տարանցման վեճի վերաբերյալ Ստոկհոլմի արբիտրաժի որոշման կասեցման մասին, հայտնել են ռուսական ընկերությունից, փոխանցում է ՌԲԿ-ն:

«Վերաքննիչ դատարանը համաձայնվել է, որ բավարար հիմքեր կան Ստոկհոլմի արբիտրաժի որոշման կասեցման համար»,- նշել են «Գազպրոմի» մամուլի ծառայությունից՝ հստակեցնելով, որ այս հրամանը «Ուկրաինայի Նավթոգազին» զրկում է արտասահմանում «Գազպրոմի» ակտիվները կալանելու փոձերի հիմնավորումից:

Ընկերությունից նշել են, որ այս հանգամանքը կօգտագործեն Շվեյցարիայում եւ Նիդերլանդներում դատական կատարածուների գործողությունները բողոքարկելիս:

Ըստ Շվեդիայի օրենքների՝ «Արբիտրաժի մասին» վերաքննիչ դատարանի հրամանը չի կարող բողոքարկվել, նշել են «Գազպրոմից»՝ շեշտելով, որ ռուսական ընկերությունը «կշարունակի իր իրավունքները պաշտպանել օրենսդրության կիրառմամբ»:

Որոշումը նշանակում է, որ ժամանակավորապես կասեցված են նաեւ «Գազպրոմից» 2,6 մլրդ դոլար առգրավելու ընթացակարգով «Նավթոգազի» հետագա գործողությունները, հայտնել է ուկրաինական ընկերության ներկայացուցիչը՝ շեշտելով, որ սա չի հանգեցնում արբիտրաժի որոշումների չեղարկման եւ «Գազպրոմին» հնարավորություն չի տալիս «Նավթոգազից» պահանջել 2,1 մլրդ դոլարի վերադարձ, որը արբիտրաժի կողմից հաշվարկվել էր որպես «Նավթոգազին» փոխհատուցում:

«Նավթոգազից» հայտնել են, որ Սվեայի դատարանի որոշումը Ստոկհոլմի արբիտրաժի որոշման կատարման ընթացակարգը կասեցնելու մասին արդեն ստացել են եւ առաջիկայում դատարան կներկայացնեն իրենց հակափաստարկները:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հայաստանը պայմանավորվել է «Գազպրոմի» հետ՝ գազի ներքին սակագինը պահպանելու շուրջ. Փաշինյան
Հայաստանի վարչապետ Նիկոլ Փաշինյանը հայտարարել է, որ երկրի իշխանությունները...
Նավթի գներն աճում են
Մարտի առաքման համար Brent-տեսակի ֆյուչերսներն աճել․․․
Վրաստանը եւ «Գազպրոմը» երկու շաբաթվա ընթացքում կպայմանավորվեն Հայաստան գազի տարանցման շուրջ
Արդյունքները կհրապարակվեն նոր պայմանների քննարկումից հետո...
«Իմ քայլը». Աշխատակիցների հնարավոր կրճատումը «Գազպրոմ Արմենիա» ընկերության գործն ու իրավունքն է
«Գազպրոմ Արմենիայի» եւ իշխանությունների միջեւ բանակցությունները շարունակվում են...
ԵՏՄ վարչապետները փետրվարի 1-ին կքննարկեն միությունում գազի փոխադրման գնագոյացումը
Այս հարցը փետրվարի 1-ին կքննարկվի վարչապետների մակարդակով․․․
ԳԴՀ էկոնոմիկայի նախարարը պատասխանել է «Հյուսիսային հոսք-2»-ի առիթով ԱՄՆ-ի քննադատությանը
Գերմանիայի էկոնոմիկայի նախարար Պետեր Ալթմայերը հանգիստ է արձագանքել ․․․
Ֆոտոռեպորտաժներ